De humor ligt op ’e  straote. En Jan Schonewille uut Noordwoolde is een luusterer. Disse kombinaosie het d’r veur zorgd dawwe via de Stellingwarver Spreukekelender en de Stellingwarver kraanten genieten hebben kunnen van verschillende humoristische verhaelties van zien haand. En daor is et niet bi’j bleven: De humor ligt op ’e  straote, is een ni’je uutgaove van de Stellingwarver Schrieversronte.

Grietje Bosma krigt et 1e exemplaor uut haanden van Jan Schonewille (foto: Lenus van der Broek).

De leste jaoren het Jan Schonewille niet stillezeten. Et gevolg daorvan is disse uutgaove mit 113 humorischte verhaelties. Et gaot om verhaelties die Jan onderwegens heurt of te heuren krigt.  Hiel herkenber en mit veural  een kwinkslag.
De eerste exemplaoren wodden onlaaanks op ’n enigszins feestelik mement uutrieken an Grietje Bosma, die tegere mit Attie Nijboer weerdevolle feedback an Schonewille hadden geven veur de totstandkoming van de ni’je bundel. Nijboer kon helaas niet anwezig wezen, mar zal et exemplaar alsnog worden overhandigd.

Straotpraot

Humor ligt op ‘e stroate (foto: Stellingwarver Schrieversronte).

‘Disse dag is ’n goeie dag veur een grappien’ staot op de kleurrieke cover van Humor ligt op ’e straote. En luusteren maekt ni’jsgierig. In disse verzaemelbundel is de doodgewone straotpraot van meensken opneumen. Verhaelen mit ’n humoristische inslag en altied mit een verrassend ende. De verhaelenbundel is daorom ok hiel herkenber.

Mooi kedogien

Et is onderhaand al weer vuuftien jaor leden dat Alderhaande, et twiede boek van Schonewille uutkwam. Tussentieds wodde zien wark publiceert in et Stellingwarfse tiedschrift De Ovend, de Stellingwarver spreukekelender en de kraanten in de beide Stellingwarven. De Schrieversronte moedigde him an om een bundel samen te stellen, zodat disse ok in de kommende Sinterklaos- en Kasttied as een mooi kedogien weg te geven is.

De verzamelbundel wodt uutgegeven deur de Stellingwarver Schrieversronte in Berkoop. De kostpries is € 19,95. Et boek verschijnt in een oplage van 100. Et boek is verkriegbaor bi’j via www.stellingwarfs.nl, per mail: info@stellingwarfs.nl of tel. 0516-451 108 tiedens de eupeningstieden).

Bron: RTV SLOS